Klu­tz réði ekkert við Gold­Dig­gers

Lokatölur í viðureign GoldDiggers og Klutz voru 13-6 og eins og Daníel benti á, máttu ríkjandi meistarar kvenna þannig lúta í lægra haldi fyrir liði skipuðu leikmönnum sem hafa ekki spilað saman nema í um það bil eitt ár.

Mist bætti við að þetta hefði verið frábær leikur hjá GoldDiggers sem spiluðu mjög vel og ætluðu greinilega ekki að láta meistarana í Klutz eiga neitt inni hjá sér.

Úrslit 2. umferðar:

ControllerZ - Guardian Grýlurnar 13-2

Venus- Höttur 13-4

Jötunn Valkyrjur - Þór 13-4

Klutz - GoldDiggers 6-13

Þriðja umferð Míludeildarinnar í Valorant fer fram föstudaginn 20. september og þá ætla Mist og Daníel meðal annars að lýsa leik Jötunn Valkyrja og Hattar og ekki annað á þeim að heyra að þau biðu spennt eftir að fá loksins að sjá Valkyrjurnar í leik enda um gamla liðið hennar Mistar að ræða, auk þess sem það trónir á toppi deildarinnar eins og staðan er núna.

Míludeildin í ár er stærsta Val­orant-mót sem hefur verið haldið á Íslandi hingað til og eins og Mist hefur bent á „algert met“ og eftir að hafa vanist því að hafa séð þrjú til fjögur lið keppa sé „ alveg klikkað,“ að þau séu nú átta.

Þá hefur veglegt verðlaunaféð, ein og hálf milljón króna, að vonum vakið mikla athygli: „Peningalega er þetta næst stærst og það sem er örugglega mest töff við þetta er að þetta er örugglega í fyrsta skipti sem rafíþróttadeild, önnur en Counter Strike, er með yfir milljón í verðlaunafé,“ segir Daníel og bendir á að ekki þurfi að hafa mörg orð um hversu jákvætt þetta er fyrir íþróttir kvenna.

Viðureignirnar í 3. deild verða eftirfarandi:

Jötunn Valkyrjur - Höttur

ControllerZ - Klutz

Þór - Guardian Grýlurnar

Venus - GoldDiggers