Iðnaðar­maður ársins 2025 - Þor­leifur er kominn í úr­slit

Hann svarar hér nokkrum laufléttum:

Mikilvægasta áhaldið? Kápuhnífur og bítari.

Hvað gerirðu þegar þú ert ekki í vinnunni? Ég er afreks íþróttamaður í frjálsum. Ég mæti á æfingar alla daga eftir vinnu. Einnig hef ég mikinn áhuga á stangveiði, skotveiði og er mikill útivistar maður.“

Hvernig ertu í annarri iðn? Er nokkuð flinkur í kringum bíla og með ágætis skilning á flestum iðngreinum.

Værir þú liðtækur á 6 véla settið frá Sindra? Já, 6 véla settið væri snilld fyrir persónulega notkun og auka verkefni.

Uppáhalds hljómsveit? Sálin hans Jóns míns

Besti skyndibitinn? Subway eða Saffran.

Ertu með staðlað svar þegar ættingjarnir vilja fá þig til að “laga smá”? Líklegt svar væri „já það er hægt að skoða það”.

Kaffi eða orkudrykkir? Orkudrykkir, Collab á morgnana klikkar ekki.

Leiðinlegasta húsverkið? Þurrka ryk af hillum.

Ef þú værir ekki þinni iðngrein hvað værir þú þá? Ef að ég þyrfti að skipta um iðngrein í dag, myndi ég færa mig yfir í píparann.

Uppáhalds drykkur? Rauður Collab.

Hvað fer í mest taugarnar á þér? Þegar að fólk keyrir aðeins of hægt.

Besti staður á Íslandi? Snæfellsnesið.

Heitur brauðréttur eða brauðterta? Brauðterta

Hlustar þú á X977 í Peltor eða Airpods? Peltor allan daginn

Stáltá eða strigaskór? Stáltá annars yrði ég vísaður burt af vinnustað.

Tommustokkur eða málband? Tommustokkur.

Hvert er þitt stærsta afrek sem iðnaðarmaður? Ætli það sé ekki að vera með réttindi til að tengja 66kV háspennu jarðstreng.

En stærsta klúður? Þegar að kápuhnífurinn minn flaug í gegnum lófann á mér í lok vinnudags á föstudegi, og það þurfti að sauma 7 spor.

Hefurðu komist í gegnum fermingarveislu án þess að einhver fari að tala um það sem er bilað heima…hvort þú getir kannski kíkt á það? Held ég hafi ekki farið í fermingarveislu seinustu þrjú ár, en finnst það mjög líklegast að það mundi koma upp í einhverjum samræðum.

Kosningin er í fullum gangi og hægt að kjósa sinn uppáhalds iðnaðarmann hér: