Frá Ís­landi til stjarnanna

Leikurinn hefur verið í þróun í höfuðstöðvum CCP í Vatnsmýrinni síðastliðin þrjú ár. Útgáfan er sögð marka tímamót í sögu CCP og einnig tölvuleikjagerðar á Íslandi, þar sem um er að ræða fyrsta íslenska tölvuleikinn sem byggir á bálkakeðjutækni (e. Blockchain).

Þó EVE Frontier deili söguheimi með EVE Online, sem kom út árið 2003, hafa leikirnir í raun ekki beina tengingu þeirra á milli. Um er að ræða fjölspilunarleik þar sem spilarar hafa nærri því fullkomið frelsi til að kanna stærðarinnar vetrarbraut, 23 þúsund ár í framtíðinni.

Sjá einnig: CCP kynnir nýjan leik í sögu­heimi EVE Online

Í tilkynningu segir að fyrirtækið hafi farið ótroðnar slóðir í ýmsum tengist hönnun EVE Frontier og þróun stafræns hagkerfis sem byggir á bálkakeðjutækni. CCP réð hagfræðing frá Seðlabankannum til að vinna við hagkerfi EVE Frontier.

Sjá einnig: Frá Seðla­bankanum í sýndarheima CCP

Hilmar Veigar Pétursson, forstjóri CCP, sagði frá opnun EVE Frontier á IGN Live um síðustu helgi, en það er ein stærsta leikjaráðstefna heims. Þá frumsýndi hann einnig The Ancient Dark, nýja stiklu leiksins.

Stiklan gefur, smakvæmt áðurnefndri tilkynningu, innsýn inn í hinn opna, djúpa, víðferma og harðneskjulega heim EVE Frontier. Í skugga dularfullra rústa, minja um styrjaldir og eyðileggingu má þó einnig sjá merki endurfæðingu og hina klassískur hringrás dauða og lífs. Baráttu þess að lifa af í miskunnarlausri veröld sem er án takmarkana

Einnig var birt á dögunum myndband sem varpar ljósi á spilun leiksins.