Haraldur selur fyrir 94,5 milljónir í Skaga

Greint er frá kaupunum í tilkynningu á Keldunni en kaupin eru tilkynningarskyld. Í tilkynningunni segir um eðli viðskiptanna að viðskiptin varði lítinn hluta af eign félagsins í Skaga og séu eðlilegur hluti af eignastýringu og áhættudreifingu.

Eftir viðskiptin verður H3 ehf. áfram á meðal stærstu hluthafa Skaga með um 2,63 prósenta eignarhlut.

Fjallað var um það fyrr á árinu að samrunaviðræðum Skaga og Íslandsbanka hefði verið slitið eftir að tilkynnt hafði verið í október á síðasta ári að félögin myndu renna saman.

Á vef Skaga segir að það sé „nýtt afl á fjármálamarkaði sem kemur til í kjölfar sameiningar VÍS og Fossa. Með sameiningu félaganna voru tekin markviss skref í átt að framtíðarsýn að verða spennandi valkostur á íslenskum fjármálamarkaði, ásamt því að auka og efla tekjustoðir félagsins.“

Í samstæðu Skaga eru þrjú sjálfstæð dótturfélög: VÍS tryggingar, Fossar fjárfestingarbanki og Íslensk verðbréf.

Fréttin hefur verið leiðrétt, fyrst stóð að Haraldur hefði keypt, en það rétta er að hann seldi.