Fyrsti sigur Russell frá því í fyrstu keppni tíma­bilsins

Russell átti í harðri baráttu við Max Verstappen á Red Bull en hélt toppsætinu og kom fyrstur í mark, 1,6 sekúndum á undan heimsmeistaranum fjórfalda sem var á heimavelli í dag. Samherji Russells hjá Mercedes, Kimi Antonelli, varð þriðji.

Antonelli er með fjörutíu stiga forystu á Russell í keppni ökuþóra. Þeir hafa samtals unnið sjö af átta keppnum tímabilsins. 

Oscar Piastri á McLaren endaði í 4. sæti í dag og Lewis Hamilton, sem vann sína fyrstu keppni eftir að hafa gengið í raðir Ferrari um síðustu helgi, í því fimmta. Hamilton er í 3. sæti í keppni ökuþóra.

Mercedes er með öruggt forskot í keppni bílasmiða. Liðið er með 302 stig, 98 stigum á undan Ferrari.

Næsta keppni tímabilsins fer fram á Silverstone-brautinni á Englandi um næstu helgi.