Rahm segist vilja rifta við LIV

LIV er gjaldþrota eftir að sádi-arabískir fjárfestar drógu fjármagn sitt til baka úr mótaröðinni. Það þurfti því að finna nýjar lausnir á því að reyna að halda mótaröðinni gangandi og hafa þær lausnir ekki hentað Rahm.

Lögfræðingurinn hans Rahm tilkynnti þetta fyrir dómi þegar verið var að fara yfir gjaldþrot mótaraðarinnar. Spánverjinn hefur verið í umræðum við LIV um að rifta samningi sínum við mótaröðina og er búist við að það muni klárast von bráðar.

Samkvæmt BBC Sport þá hafa þeir kylfingar sem voru samningsbundnir LIV til margra ára fram í tímann ekki endilega að halda áfram á mótaröðinni. Eftir nýja útgáfu mótaraðarinnar verður litið á hana sem nýja mótaröð sem kemur eftir gjaldþrot þeirra fyrri. Út frá því má gera ráð fyrir því að margir kylfingar muni segja sig frá LIV-mótaröðinni.

Ekki er þó víst hvort að Rahm geti snúið aftur á PGA-mótaröðina þar sem hún hefur verið treg til þess að bjóða kylfinga velkomna sem hafa verið á LIV. Brooks Koepka er einn af þeim fáu kylfingum sem hafa snúið aftur til PGA en því fylgir að hann fær mun minna verðlaunafé. Hann hefur þó gert samning við DP World-mótaröðina og mun líklegast geta haldið áfram að spila þar.