Lítilsvirða mótframbjóðendur

Ingibergur Sigurðsson, kosningastjóri Ástþórs Magnússonar, telur að Leiklistarsamband Íslands lítilsvirði mótframbjóðendur Ólafs Ragnars Grímssonar með því að bjóða þeim ekki á leiklistarverðlaunin Grímuna í Borgarleikhúsinu í kvöld. Ólafur Ragnar afhendir þar heiðursverðlaun hátíðarinnar. Að mati Ingibergs eiga yfirlýsingar Leiklistarsambandsins, um að það taki ekki þátt í pólitískri umræðu, ekki við rök að styðjast, þar sem einum forsetaframbjóðanda sé hampað umfram aðra. Hann bendir á að í kosningabaráttunni 1996 hafi öllum frambjóðendum verið boðið að vera viðstaddir í listviðburðum sem þessum.