Sparað í sumarfríinu 22. júní 2004 00:01 Nú eru sumarfríin að komast í algleyming og fólk komið í ferðastuð. Þótt Ísland sé dýrt ferðamannaland í samanburði við flest önnur hefur það líka upp á margt að bjóða sem ekki er hægt að njóta hvar sem er. Gildir það til dæmis um hollan íslenskan mat, heilnæmt loft og hreina náttúru. Við getum líka sparað á ferðalögum ef vilji er fyrir hendi og það að þarf ekkert að vera svo miklu dýrara að borða á ferðalagi um landið en heima hjá sér. Fyrirhyggjan borgar sig. Til dæmis að smyrja brauð í stað þess að kaupa tilbúnar samlokur í sjoppunum og elda sjálfur kvöldmatinn í stað þess að setjast inn á næsta veitingastað. Einnig hita vatn í kaffið eða kakóið eða biðja um heitt vatn á brúsa í gististað. Það er ódýrt. Gistingu er víða hægt að fá á góðu verði, jafnvel tjalda á lækjarbakka úti í náttúrunni. Öruggara er þá að fá leyfi landeigenda og að sjálfsögðu gegn því að ganga vel um og skilja svæðið eftir eins og komið var að því. Flestir aðhyllast þó hin hefðbundnu tjaldstæði ef um tjaldútilegu er að ræða, enda snyrtiaðstaða þar í boði og jafnvel eldunaraðstaða. Algengt verð á tjaldstæðum er 500 krónur fyrir manninn fyrir nóttina en í einstaka bæjarfélögum er gistingin ókeypis. Farfuglaheimili, bændagistingar og gistiheimili bjóða upp á svefnpokapláss á verðinu frá 1.500-2.200 og þótt talað sé um svefnpoka er auðvitað eins hægt að hafa sængina með. Ýmiss konar spennandi afþreying er víða í boði en ef lítið er í buddunni getur þurft að sneiða hjá þeirri dýrustu og halda sig frekar á þeim mörgu stöðum sem hægt er að njóta án þess að greiða fyrir það. Á landinu eru fögur fjöll til að kanna og klífa, tilkomumiklir fossar að skoða og víðáttumiklar fjörur að ganga. Alls staðar þarf vissulega að fara um með það í huga að engu sé spillt og vissara getur verið að spyrja landeigendur leyfis. Sums staðar er hægt að skoða söfn endurgjaldslaust og á öðrum stöðum að kaupa dagpassa sem gilda í sund og söfn á tilteknum svæðum. Þeir eiga að lágmarka útgjöldin. gun@frettabladid.is Fjármál Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ein lausn er að liggja hlið við hlið og fróa sér Lífið Mistök að eyða ekki meiri tíma með börnunum Lífið Kvaddi dramað og flutti fyrir ástina Lífið Best skipulagða geymsla landsins í glæsihúsi við Laugardalinn Lífið Púsluðu sig inn í undanúrslit þrátt fyrir hremmingar Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Nú eru sumarfríin að komast í algleyming og fólk komið í ferðastuð. Þótt Ísland sé dýrt ferðamannaland í samanburði við flest önnur hefur það líka upp á margt að bjóða sem ekki er hægt að njóta hvar sem er. Gildir það til dæmis um hollan íslenskan mat, heilnæmt loft og hreina náttúru. Við getum líka sparað á ferðalögum ef vilji er fyrir hendi og það að þarf ekkert að vera svo miklu dýrara að borða á ferðalagi um landið en heima hjá sér. Fyrirhyggjan borgar sig. Til dæmis að smyrja brauð í stað þess að kaupa tilbúnar samlokur í sjoppunum og elda sjálfur kvöldmatinn í stað þess að setjast inn á næsta veitingastað. Einnig hita vatn í kaffið eða kakóið eða biðja um heitt vatn á brúsa í gististað. Það er ódýrt. Gistingu er víða hægt að fá á góðu verði, jafnvel tjalda á lækjarbakka úti í náttúrunni. Öruggara er þá að fá leyfi landeigenda og að sjálfsögðu gegn því að ganga vel um og skilja svæðið eftir eins og komið var að því. Flestir aðhyllast þó hin hefðbundnu tjaldstæði ef um tjaldútilegu er að ræða, enda snyrtiaðstaða þar í boði og jafnvel eldunaraðstaða. Algengt verð á tjaldstæðum er 500 krónur fyrir manninn fyrir nóttina en í einstaka bæjarfélögum er gistingin ókeypis. Farfuglaheimili, bændagistingar og gistiheimili bjóða upp á svefnpokapláss á verðinu frá 1.500-2.200 og þótt talað sé um svefnpoka er auðvitað eins hægt að hafa sængina með. Ýmiss konar spennandi afþreying er víða í boði en ef lítið er í buddunni getur þurft að sneiða hjá þeirri dýrustu og halda sig frekar á þeim mörgu stöðum sem hægt er að njóta án þess að greiða fyrir það. Á landinu eru fögur fjöll til að kanna og klífa, tilkomumiklir fossar að skoða og víðáttumiklar fjörur að ganga. Alls staðar þarf vissulega að fara um með það í huga að engu sé spillt og vissara getur verið að spyrja landeigendur leyfis. Sums staðar er hægt að skoða söfn endurgjaldslaust og á öðrum stöðum að kaupa dagpassa sem gilda í sund og söfn á tilteknum svæðum. Þeir eiga að lágmarka útgjöldin. gun@frettabladid.is
Fjármál Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Ein lausn er að liggja hlið við hlið og fróa sér Lífið Mistök að eyða ekki meiri tíma með börnunum Lífið Kvaddi dramað og flutti fyrir ástina Lífið Best skipulagða geymsla landsins í glæsihúsi við Laugardalinn Lífið Púsluðu sig inn í undanúrslit þrátt fyrir hremmingar Lífið Fagnaði 35 árum í sólinni Lífið „Allir vonuðu að þetta yrði stelpa“ Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira