Apabúningur og fallhlífarstökk 7. júlí 2004 00:01 Þóra Karítas gefur góð ráð við lífsleiða. Með margvíslegum hætti er hægt að hressa sig við af almennum lífsleiða. Stundum verður maður það þungur að maður nennir ekki einu sinni að láta sér detta eitthvað sniðugt í hug til að framkvæma. En ég veit um tvennt sem getur hjálpað: Apabúningur og fallhlífastökk. Þegar sækir að léttur lífsleiði getur apabúningur gert kraftaverk. Gott er að geyma búninginn á góðum stað í vinnunni og á leiðindastundum er best að laumast inn á klósett, smella sér í gervi apans og hlaupa í gegnum vinnurýmið. Þetta vekur furðu samstarfsfélaganna. Enginn veit hver leynist í apabúningnum og apinn er spurður að því hvaða skóli sé að dimmitera? Á endanum, eftir að hafa gengið aðeins of langt í fíflalátunum, er maður rekinn út. Þá smeygir maður sér úr gallanum, sest glaður og reifur í sætið sitt og ferskleikinn geislar af manni. Maður á sitt leyndarmál og þykist hissa þegar vinnufélagarnir deila með manni uppákomunni sem átti sér stað í fjarverunni. Fallhlífastökkið virkar mun betur á dýpra þunglyndi en venjulegan lífsleiða og þó það hljómi kannski öfugsnúið þá getur fallhlífastökk þannig bjargað mannslífum. Það er ekki fræðilegur möguleiki að ímynda sér hvernig fallhlífastökk er fyrr en maður prófar það sjálfur. Hjá mér var það þannig að ég hélt að fallhlífastökk væri bara til í bíómyndum alveg þar til flugvélin var opnuð og mér var kippt út. Við tók frjálst fall þar sem stjórnleysið er algert en þegar fallhlífin er opnuð breytist maður í fugl sem svífur um háloftin. Allt í einu sér maður Reykjavík og lífið í heild frá alveg nýju sjónarhorni og hafi adrenalínið áður verið í sögulegu lágmarki má bóka að nú kikkar það inn. Viltu birta grein á Vísi? Sendu okkur póst. Senda grein Stuð milli stríða Mest lesið Eins og þú kallar í skóginn….. – við þurfum að þora að ræða viðkvæmu málin Björn Bjarki Þorsteinsson,Unnur Valborg Hilmarsdóttir Skoðun Ísland: Landið sem unga fólkið flýr Einar Jóhannes Guðnason Skoðun GOGG, GOGG, GOGG og aftur GOGG Guðrún Njálsdóttir Skoðun Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun Ég er ekki alki Þorgerður María Þorbjarnardóttir Skoðun Eru sumir íslenskir stjórnmálamenn að bergmála áróður Kremlar? Guðni Freyr Öfjörð Skoðun Hvort er ánægjulegra, kynlíf eða verslunarleiðangur? Gró Einarsdóttir Skoðun Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun
Þóra Karítas gefur góð ráð við lífsleiða. Með margvíslegum hætti er hægt að hressa sig við af almennum lífsleiða. Stundum verður maður það þungur að maður nennir ekki einu sinni að láta sér detta eitthvað sniðugt í hug til að framkvæma. En ég veit um tvennt sem getur hjálpað: Apabúningur og fallhlífastökk. Þegar sækir að léttur lífsleiði getur apabúningur gert kraftaverk. Gott er að geyma búninginn á góðum stað í vinnunni og á leiðindastundum er best að laumast inn á klósett, smella sér í gervi apans og hlaupa í gegnum vinnurýmið. Þetta vekur furðu samstarfsfélaganna. Enginn veit hver leynist í apabúningnum og apinn er spurður að því hvaða skóli sé að dimmitera? Á endanum, eftir að hafa gengið aðeins of langt í fíflalátunum, er maður rekinn út. Þá smeygir maður sér úr gallanum, sest glaður og reifur í sætið sitt og ferskleikinn geislar af manni. Maður á sitt leyndarmál og þykist hissa þegar vinnufélagarnir deila með manni uppákomunni sem átti sér stað í fjarverunni. Fallhlífastökkið virkar mun betur á dýpra þunglyndi en venjulegan lífsleiða og þó það hljómi kannski öfugsnúið þá getur fallhlífastökk þannig bjargað mannslífum. Það er ekki fræðilegur möguleiki að ímynda sér hvernig fallhlífastökk er fyrr en maður prófar það sjálfur. Hjá mér var það þannig að ég hélt að fallhlífastökk væri bara til í bíómyndum alveg þar til flugvélin var opnuð og mér var kippt út. Við tók frjálst fall þar sem stjórnleysið er algert en þegar fallhlífin er opnuð breytist maður í fugl sem svífur um háloftin. Allt í einu sér maður Reykjavík og lífið í heild frá alveg nýju sjónarhorni og hafi adrenalínið áður verið í sögulegu lágmarki má bóka að nú kikkar það inn.
Eins og þú kallar í skóginn….. – við þurfum að þora að ræða viðkvæmu málin Björn Bjarki Þorsteinsson,Unnur Valborg Hilmarsdóttir Skoðun
Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun
Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun
Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun
Eins og þú kallar í skóginn….. – við þurfum að þora að ræða viðkvæmu málin Björn Bjarki Þorsteinsson,Unnur Valborg Hilmarsdóttir Skoðun
Eiga íbúðir að vera heimili fólks eða fjárfestingarkostur og munaðarvara? Magnea Marinósdóttir Skoðun
Af hverju vilja lyfjafyrirtæki ekki að lyfjahampur verði lögleiddur? Sigurður Hólmar Jóhannesson Skoðun
Sannleikurinn um Evrópusambandið V: 26 þjóðir hafa hafnað eigin gjaldmiðli, líka Þýzkaland með sitt ofursterka Mark Ole Anton Bieltvedt Skoðun