Guðlaug og Þóra til Blika

Eins og greint var frá í fréttum Stöðvar 2 í gær þá  hefur landsliðskonan Guðlaug Jónsdóttir gengið til liðs við Breiðablik frá KR. Guðlaug á að baki 44 landsleiki og er búin að skora 69 mörk í 143 leikjum í efstu deild. Þá hefur íþróttadeildin heimildir fyrir því að landsliðsmarkvörðurinn Þóra B Helgadóttir ætli að spila með Breiðablik á næstu leiktíð. Þóra er samningsbundin norska liðinu Kolbotn fram í mars en hefur þá í hyggju að snúa heim og spila með Kópavogsliðinu. Úlfar Hinriksson var í gær ráðinn þjálfari Breiðabliks en hann hefur undanfarið þjálfað 21 árs landslið kvenna og verið aðstoðarmaður Helenu Ólafsdóttur landsliðsþjálfara.