Sveinarnir kátu
Jólasveinarnir eru á vappi þessa dagana eins og alþjóð veit og meðal viðkomustaða hjá þeim er Fjölskyldu- og húsdýragarðurinn í Laugardal. Þangað koma þeir daglega klukkan 14. Fleira skemmtilegt er um að vera í garðinum, þar eru hestvagnaferðir, handverksmarkaður og svo auðvitað dýrin stór og smá sem alltaf þarf að fóðra. Fréttablaðið býður landsmönnum öllum frítt í Fjölskyldu- og húsdýragarðinn fram að jólum.
