Jól

Innpökkun er einstök list

Sumum gengur illa að pakka inn gjöfum svo vel fari og finnst þeir vera með tíu þumalputta. Ekki bætir úr skák þegar endinn á glæra límbandinu er týndur og maður verður að liggja ofan á pakkanum meðan hann er krafsaður upp. Kolbrún Karlsdóttir hefur ráð undir hverju rifi þegar kemur að innpökkun og þarf ekki einu sinni á límbandi að halda frekar en hún vill því hún læsir pappírnum þannig utan um pakkann að hann helst í skorðum. Hér sjáum við hvernig hún fer að.
Kolbrún lætur brúnir pappírsins mætast yfir miðjum pakkanum og leggur hann tvöfaldan út að annarri hliðinni.
Því næst brýtur hún eitt brot upp á pappírinn áleiðis inn að miðju.
Aftur er brotið og nú þannig að miðjan á pakkanum verði undir miðjum renningnum.
Þegar búið er að pressa renninginn létt niður helst hann í skorðum og þá er bara eftir að ganga frá endunum. Þá fyrst kemur límbandið til sögunnar eða bara borðar.


×

Mest lesið