Þeir ættu að reka Eriksson
Fyrrum landsliðsmaðurinn Mick Channon segir að enska knattspyrnusambandið ætti að sjá sóma sinn í að reka landsliðsþjálfara sinn Sven-Göran Eriksson, eftir útreiðina sem liðið fékk á Parken í Kaupmannahöfn í 4-1 tapinu í vikunni. "Eftir að hafa séð þennan hræðilega leik enska liðsins í Danmörku, held ég að þeir ættu að taka Eriksson, pakka honum niður og senda hann aftur til Svíþjóðar. Aumingja Alf Ramsey hefur áræðanlega snúið sér marga hringi í gröfinni. Svona lagað kom aldrei fyrir í hans tíð," sagði Channon. "Ég hef aldrei séð annað eins og frammistaða liðsins og þjálfarans var til háborinnar skammar."
