100% sumar

Þessi diskur er sá fyrsti nýrrar útgáfuraðar frá 21 12 Culture Company og inniheldur 20 af heitustu íslensku lögunum vorið og sumarið 2006.

Meðal flytjenda eru Margrét Eir, Helgi Rafn, Baggalútur, Leone Tinganelli, Eivør Pálsdóttir, Bogomil Font, Valgeir Guðjónsson, Frummenn (Stuðmenn), Guðrún Árný, Andrea Gylfa og Regína Ósk. Geislaplatan inniheldur m.a. tvö af vinsælustu lögum ársins hingað til, þ.e. lögin Ó María með Grétu Mjöll og Hólmfríði Samúelsdætrum og Þér við hlið með Regínu Ósk.

Nýtt lag Margrétar Eir, Allt sem ég óska mér og ný smáskífa Helga Rafns, Angela, fara á flegiferð upp vinsældarlistana þessa dagana og prýða þau plötuna einnig. Nýtt lag Brooklyn Five manna og frumsamið lag Guðrúnar Árnýjar af væntanlegri sólóplötu hennar vekja einnig verðskuldaða athygli ásamt öllum hinum titlunum á þessum þétta og skemmtilega grip.

Makmið útgáfunnar var það að safna saman flestum af vinsælustu lögunum nú í vor og sumar á eina plötu en um leið sérvelja inná plötuna svo hún líði vel í gegn og virki sem ein heild - hlustendum hennar vonandi til mikillar ánægju. Hér er á ferðinni sannur sumarpakki sem hita mun græjurnar það sem eftir lifir sumars.