Viðskiptahalli 11,6 milljarðar í ágúst

Viðskiptahallinn við útlönd í ágústmánuði nam 11,6 milljörðum króna samkvæmt tölum Hagstofu Íslands. Fluttar voru út vörur fyrirr 16,6 milljarða króna og inn fyrir 28,2 milljarða króna. Þetta er um þremur milljörðum króna minni viðskiptahalli en var í sama mánuði í fyrra. Þegar horft er til fyrstu átta mánaða þessa árs reyndist vöruskiptahallinn 94,6 milljarðar en á sama tíma árið áður var hann 63,4 milljarðar á sama gengi. Vöruskipatahallinn er því ríflega 30 milljöðrum króna meiri en í fyrra.