Seðlabankinn undirbýr lántöku til styrkingar á gjaldeyrisforða

Fjármálaráðherra og bankastjórn Seðlabanka Íslands hafa undanfarna mánuði átt viðræður um styrkingu á gjaldeyrisforða bankans. Seðlabankinn hefur í umboði fjármálaráðherra falið Barclays Capital, Citigroup and Dresdner Kleinwort að hefja undirbúning að lántöku á evrumarkaði til styrkingar á gjaldeyrisforða bankans.

Í tilkynningu frá Kauphöll Íslands kemur fram að umsvif innlendra fjármálastofnana hafi aukist mikið undanfarin ár auk þess sem erlendir fjárfestar eru orðnir virkir í viðskiptum á innlendum fjármálamörkuðum. Hvort tveggja gefi tilefni til styrkingar á erlendri stöðu bankans.

Í umboði fjármálaráðherra hafi Seðlabanki Íslands falið Barclays Capital, Citigroup and Dresdner Kleinwort að hefja undirbúning að lántöku á evrumarkaði. Andvirði væntanlegrar lántöku verði varið að fullu til styrkingar á gjaldeyrisforða bankans. Útgáfunni verður hleypt af stokkunum að undangenginni kynningu meðal væntanlegra fjárfesta.