Bæjarráð Hornafjarðar hvetur til að 200 milljónir sem ætlaðar eru til lagfæringar á veginum um Hvalnes- og Þvottárskriður verði frekar notaðar til að hefja undirbúning jarðganga undir Lónsheiði. Fréttavefurinn horn.is greinir frá þessu.
Í bókun á bæjarráðsfundi frá í fyrradag er sagt ljóst að ekki sé um framtíðarvegstæði að ræða í Skriðunum vegna grjóthruns og skriðufalla.
Bæjarstjóri Hornafjarðar hefur óskað eftir fundi með vegamálastjóra vegna vegarins um Hvalnes- og Þvottárskriður og framtíð hringvegarins um þessar slóðir.
