Ástfangnir eldri borgarar 10. mars 2007 09:30 Víkingur kristjánsson. Heiður að leika á móti Kristbjörgu Söngleikurinn Ást eftir Gísla Örn Garðarsson og Víking Kristjánsson verður frumsýndur í Borgarleikhúsinu í kvöld. Í verkinu segir frá Nínu, eldri konu utan af landi, sem kemur í skammtímavistun á elliheimili í höfuðborginni, fyrir tilstuðlan ábyrgðarfulls sonar. Á heimilinu er fjörugt félagslíf en vistin hefur ekki þau áhrif á Nínu sem sonurinn hefði óskað. Hugmyndin að verkinu er komin frá Gísla Erni sem fékk Víking í lið. Gísli leikstýrir sýningunni en Víkingur leikur í henni soninn umrædda. Víkingur segir hugmyndina einfalda: að gera söngleik með nýjum dægurlögum, láta eldri hóp leikara syngja þau á frummáli, hann gerist á elliheimili og fléttan væri lítil ástarsaga. Tilgangurinn var síðan að ná saman hópi eldri leikara og sviðslistamanna og fá þá til að flytja verkið. Leikarar eru Kristbjörg Kjeld, Magnús Ólafsson, Theodór Júlíusson, Hanna María Karlsdóttir, Pétur Einarsson, Skapti Ólafsson, Ómar Ragnarsson, Charlotte Böving og Víkingur Kristjánsson. Hanna, Pétur, Theódór og Charlotta koma úr flokki LR. Ómar hóf sinn feril barn að aldri hjá LR og starfaði lengi sem skemmtikraftur. Sem leikari vann hann um skeið við Þjóðleikhúsið. Magnús hefur leikið hjá ýmsum leikflokkum utan starfa sem skemmtikraftur. Skafti var á sínum tíma mikilvirkur dægurlagasöngvari. Kristbjörgu er óþarft að kynna. Auk þeirra kemur fram í sýningunni tíu manna kór. Víkingur segir það hafa gengið vel hjá þeim félögum að koma verkinu saman, erfiðast hafi reynst að finna texta og lög til að falla rétt í framgang fléttunnar. Þeir leiti víða fanga, þarna eru lög úr söngbók Bítlanna en líka yngra popp. Tónlist fylgir öllu verkinu og er samin og flutt af Pálma Sigurhjartarsyni en hann útsetti einnig sönglögin sem eru flutt af bandi. Víkingur segir það mikla reynslu fyrir unga leikara að vinna með jafnreyndu fólki og þarna er á ferðinni. Það sé persónulega fyrir sig stór áfangi að leika á móti Kristbjörgu svo dæmi sé tekið. Hann segist viss um að eldri leikhúsgestir fagni þessu verki en þeir yngri hafi ekki síður gaman af, forsýningar hafi leitt það í ljós. Vesturport er enn á fullu með leikferðir til meginlandsins og verða að leika Woyzeck í Amsterdam í apríl og framundan er för til Spánar. Þá er undirbúningur að hefjast fyrir uppsetningu hópsins á Fást og verður það þriðja sviðsetning hér á landi á verki Goethes. pbb@frettabladid.is Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Söngleikurinn Ást eftir Gísla Örn Garðarsson og Víking Kristjánsson verður frumsýndur í Borgarleikhúsinu í kvöld. Í verkinu segir frá Nínu, eldri konu utan af landi, sem kemur í skammtímavistun á elliheimili í höfuðborginni, fyrir tilstuðlan ábyrgðarfulls sonar. Á heimilinu er fjörugt félagslíf en vistin hefur ekki þau áhrif á Nínu sem sonurinn hefði óskað. Hugmyndin að verkinu er komin frá Gísla Erni sem fékk Víking í lið. Gísli leikstýrir sýningunni en Víkingur leikur í henni soninn umrædda. Víkingur segir hugmyndina einfalda: að gera söngleik með nýjum dægurlögum, láta eldri hóp leikara syngja þau á frummáli, hann gerist á elliheimili og fléttan væri lítil ástarsaga. Tilgangurinn var síðan að ná saman hópi eldri leikara og sviðslistamanna og fá þá til að flytja verkið. Leikarar eru Kristbjörg Kjeld, Magnús Ólafsson, Theodór Júlíusson, Hanna María Karlsdóttir, Pétur Einarsson, Skapti Ólafsson, Ómar Ragnarsson, Charlotte Böving og Víkingur Kristjánsson. Hanna, Pétur, Theódór og Charlotta koma úr flokki LR. Ómar hóf sinn feril barn að aldri hjá LR og starfaði lengi sem skemmtikraftur. Sem leikari vann hann um skeið við Þjóðleikhúsið. Magnús hefur leikið hjá ýmsum leikflokkum utan starfa sem skemmtikraftur. Skafti var á sínum tíma mikilvirkur dægurlagasöngvari. Kristbjörgu er óþarft að kynna. Auk þeirra kemur fram í sýningunni tíu manna kór. Víkingur segir það hafa gengið vel hjá þeim félögum að koma verkinu saman, erfiðast hafi reynst að finna texta og lög til að falla rétt í framgang fléttunnar. Þeir leiti víða fanga, þarna eru lög úr söngbók Bítlanna en líka yngra popp. Tónlist fylgir öllu verkinu og er samin og flutt af Pálma Sigurhjartarsyni en hann útsetti einnig sönglögin sem eru flutt af bandi. Víkingur segir það mikla reynslu fyrir unga leikara að vinna með jafnreyndu fólki og þarna er á ferðinni. Það sé persónulega fyrir sig stór áfangi að leika á móti Kristbjörgu svo dæmi sé tekið. Hann segist viss um að eldri leikhúsgestir fagni þessu verki en þeir yngri hafi ekki síður gaman af, forsýningar hafi leitt það í ljós. Vesturport er enn á fullu með leikferðir til meginlandsins og verða að leika Woyzeck í Amsterdam í apríl og framundan er för til Spánar. Þá er undirbúningur að hefjast fyrir uppsetningu hópsins á Fást og verður það þriðja sviðsetning hér á landi á verki Goethes. pbb@frettabladid.is
Mest lesið Magnaðar myndir af lengstu á landsins Lífið Sjóðheitar og einhleypar inn í haustið Lífið Kristófer Helga í veikindaleyfi Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Enginn súr í sætu teiti í Ásmundarsal Tónlist Seldu Kolbeini Sigþórs og keyptu í miðbænum Lífið Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Frumsýning á Vísi: Helga Braga í kolsvartri kómedíu Bíó og sjónvarp Lítill bróðir mættur: „Fullkominn, stór og sterkur“ Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira