Passíusálmar í sjötta sinn 5. apríl 2007 13:30 Megas – Magnús Þór Jónsson – flytur nokkra sálma Hallgríms Péturssonar í Saurbænum laugardag fyrir páska. Megas flytur Passíusálma Hallgríms Péturssonar á hljómleikum í kirkju sálmaskáldsins í Saurbæ á Hvalfjarðarströnd í tvígang laugardag fyrir páska: verða fyrri tónleikarnir kl. 16 en hinir síðari um kvöldið kl. 20.30. Tónleikarnir eru haldnir í tilefni af því að fimmtíu ár eru liðin frá vígslu kirkjunnar sem menn hafa síðan kallað nýju kirkjuna á þessu andlega höfuðbóli Hvalfjarðar. Magnús Þór Jónsson sat í bókastofu sinni þegar tal náðist af honum vegna tónleikanna. Hann sagðist vera lerkaður af bókaburði en um helgina hafði skáldið komist í stórt tímaritasafn sem átti að fara á haugana og lagðist því í björgunarstörf. Þeir eru fáir sem vita það að Magnús Þór er forfallinn bókasafnari og leggur langar lykkjur á leið sína til að koma fornu lesefni í trausta skápa. Píslarsveitin leikur undir á tónleikunum í Saurbænum en með Magnúsi syngur Kammerkór Biskupstungna undir stjórn Hilmars Arnar Hilmarssonar orgelleikara. Samstarf þeirra Magnúsar hefur staðið um nokkurt skeið. Þannig kallaði Hilmar eftir nýjum flutningi á sálmunum í Skálholti 2001 en sá flutningur er nú kominn á diska og seldur í öllum skárri tónlistardeildum. Hljóðfæraskipan í þessum flutningi á sálmunum er nokkuð óvenjuleg: Utan hinnar hefðbundnu sláttusveitar, gítar, trommur, bassi, eru fiðla, harpa, blokkflauta, munnharpa, mandólín og japanskt harmóníum með í spilinu. Enda er meistarinn Magnús spenntur fyrir laugardeginum: hann segir að í prógramminu verði sálmar 43 og 8 og eitthvað fleira nýtt. Magnús flutti sálmana fyrst í Gallerí SUM á páskum 1973 með rokkbandi úr MR. Næsti flutningur þeirra í heilli dagskrá var í Gamla bíói á páskum 1985 með vanari mönnum og tveimur söngkonum: kom hljóðritun þeirra að hluta út í kassanum Megas allur á vínyl 1985 undir nafninu Andinn. Aftur flutti hann sálmana í kántrí-útgáfu með hljómsveit í Austurbæjarbíói 1986 en svo varð 15 ára hlé á flutningi bálksins þar til tónleikarnir voru í Skálholti 2001. Megas samdi lög við alla sálmana á sínum tíma og bætti um betur: sálmar Steins Steinars nr. 51 og útúrsnúningur á því ágæta kvæði, Passíusálmur 52, fylgja með. Þessar tónsmíðar eru lunginn af lögum Magnúsar við annarra kvæði en hann hefur í gegnum tíðina lagt fjölda ljóða annarra skálda til laglínu. Hann hefur líka lagt lag við ýmis veraldleg kvæði Hallgríms og voru þau meðal annars flutt í Hallgrímskirkju á tónleikum í febrúar í fyrra ásamt kveðskap Matthíasar Jochumssonar. Mun vera til hljóðritun útgáfubær á þeim flutningi. Margt annað er til hátíðahalda vegna vígsluafmælis kirkjunnar í Saurbæ: þar er uppi málverkasýning helguð Hallgrími, heimamenn verða þar með tónleika 21. apríl í sumarbyrjun og svo verður efnt til málþings um skáldið í sumar. Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Fleiri fréttir Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Sjá meira
Megas flytur Passíusálma Hallgríms Péturssonar á hljómleikum í kirkju sálmaskáldsins í Saurbæ á Hvalfjarðarströnd í tvígang laugardag fyrir páska: verða fyrri tónleikarnir kl. 16 en hinir síðari um kvöldið kl. 20.30. Tónleikarnir eru haldnir í tilefni af því að fimmtíu ár eru liðin frá vígslu kirkjunnar sem menn hafa síðan kallað nýju kirkjuna á þessu andlega höfuðbóli Hvalfjarðar. Magnús Þór Jónsson sat í bókastofu sinni þegar tal náðist af honum vegna tónleikanna. Hann sagðist vera lerkaður af bókaburði en um helgina hafði skáldið komist í stórt tímaritasafn sem átti að fara á haugana og lagðist því í björgunarstörf. Þeir eru fáir sem vita það að Magnús Þór er forfallinn bókasafnari og leggur langar lykkjur á leið sína til að koma fornu lesefni í trausta skápa. Píslarsveitin leikur undir á tónleikunum í Saurbænum en með Magnúsi syngur Kammerkór Biskupstungna undir stjórn Hilmars Arnar Hilmarssonar orgelleikara. Samstarf þeirra Magnúsar hefur staðið um nokkurt skeið. Þannig kallaði Hilmar eftir nýjum flutningi á sálmunum í Skálholti 2001 en sá flutningur er nú kominn á diska og seldur í öllum skárri tónlistardeildum. Hljóðfæraskipan í þessum flutningi á sálmunum er nokkuð óvenjuleg: Utan hinnar hefðbundnu sláttusveitar, gítar, trommur, bassi, eru fiðla, harpa, blokkflauta, munnharpa, mandólín og japanskt harmóníum með í spilinu. Enda er meistarinn Magnús spenntur fyrir laugardeginum: hann segir að í prógramminu verði sálmar 43 og 8 og eitthvað fleira nýtt. Magnús flutti sálmana fyrst í Gallerí SUM á páskum 1973 með rokkbandi úr MR. Næsti flutningur þeirra í heilli dagskrá var í Gamla bíói á páskum 1985 með vanari mönnum og tveimur söngkonum: kom hljóðritun þeirra að hluta út í kassanum Megas allur á vínyl 1985 undir nafninu Andinn. Aftur flutti hann sálmana í kántrí-útgáfu með hljómsveit í Austurbæjarbíói 1986 en svo varð 15 ára hlé á flutningi bálksins þar til tónleikarnir voru í Skálholti 2001. Megas samdi lög við alla sálmana á sínum tíma og bætti um betur: sálmar Steins Steinars nr. 51 og útúrsnúningur á því ágæta kvæði, Passíusálmur 52, fylgja með. Þessar tónsmíðar eru lunginn af lögum Magnúsar við annarra kvæði en hann hefur í gegnum tíðina lagt fjölda ljóða annarra skálda til laglínu. Hann hefur líka lagt lag við ýmis veraldleg kvæði Hallgríms og voru þau meðal annars flutt í Hallgrímskirkju á tónleikum í febrúar í fyrra ásamt kveðskap Matthíasar Jochumssonar. Mun vera til hljóðritun útgáfubær á þeim flutningi. Margt annað er til hátíðahalda vegna vígsluafmælis kirkjunnar í Saurbæ: þar er uppi málverkasýning helguð Hallgrími, heimamenn verða þar með tónleika 21. apríl í sumarbyrjun og svo verður efnt til málþings um skáldið í sumar.
Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Fleiri fréttir Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Sjá meira