Samkór Kópavogs heldur vortónleika sína í Digraneskirkju í kvöld og annað kvöld. Þar flytur kórinn fjölbreytt úrval íslenskra og erlendra alþýðu- og þjóðlaga, þar á meðal verk eftir Sigvalda Kaldalóns og Sigfús Halldórsson.
Einsöngvari á tónleikunum er Hallveig Rúnarsdóttir sópransöngkona en meðleikari á píanó er Antonía Hevesi. Stjórnandi er Björn Thorarensen.
Samkór Kópavogs var stofnaður árið 1966 af nokkrum áhugasömum félögum í Kópavogi en fyrsti stjórnandi hans var Jan Moraveg
Kórinn fagnaði fjörutíu ára afmælinu með þrennum veglegum tónleikum í Salnum á síðasta ári.
Í vetur hafa kórfélagar æft af kappi og halda nú tvenna tónleika í maí og síðan verður haldið í tólf daga ferð til Eystrasaltslandanna 9.-20. júní. Í ferðinni mun kórinn syngja lag á máli heimamanna í hverju landi og verður hitað upp fyrir þann alþjóðleik á vortónleikunum hér heima.
Tónleikarnir í kvöld hefjast kl. 20 og verða þeir endurteknir á sama tíma næstkomandi fimmtudagskvöld.
