Hörð barátta

Rappararnir Kanye West og 50 Cent munu heyja harða baráttu um efsta sæti plötulistanna þegar þeir gefa út næstu plötur sína sama daginn, þann 11. september.

West ætlaði upprunalega að gefa út sína þriðju plötu, Graduation, þann 21. ágúst, til að komast hjá því að berjast við plötu 50 Cent, Curtis. Sú plata átti að koma út í júní en var frestað til 4. september. Nú er búið að fresta enn enn á ný til 11. september og ákvað West þá að gefa sína plötu út á sama degi.

Búast má við hörðum slag um hylli tónlistarunnenda á útgáfudaginn og báðir eru rappararnir sannfærðir um að verða ofan á.