Standa fyrir stefnumótum á Xbox Live 28. desember 2007 00:01 Örvar G. Friðriksson „Við erum aðallega að vinna í því að fá Xbox Live! til landsins, en síðan erum við með ýmislegt fleira planað fyrir næsta ár," segir Örvar G. Friðriksson, umsjónarmaður xbox360.is, vefsíðu íslenska Xbox samfélagsins. „Við ætlum til dæmis að gera vefinn notendavænni og standa fyrir stefnumótum á Xbox Live! þar sem íslenskir spilarar hittast á netinu á ákveðnum tímum til að spila saman." ÍXS, eða íslenska Xbox samfélagið, varð til þegar Örvar fór að halda úti lista yfir Íslendinga sem áttu Xbox 360 leikjatölvur. Vegna þess að netþjónustan fyrir Xbox 360 leikjatölvuna, sem heitir Xbox Live!, er ekki formlega í boði á Íslandi þurfa þeir Íslendingar sem vilja spila leiki yfir netið að skrá sig með heimili í Bretlandi eða öðru landi. Fyrir vikið getur verið erfitt að finna aðra Íslendinga til að spila við, en þar kemur listi Örvars til sögunnar. Með honum hafa íslenskir Xbox spilarar fundið aðra Íslendinga, bætt þeim á vinalistann sinn og spilað leiki við þá yfir netið. Þó væri best ef þjónustan stæði Íslendingum formlega til boða og hefur Örvar barist fyrir því í samstarfi við Tölvuvirkni, Netsamskipti og Microsoft á Íslandi. Aðspurður hvað hafi staðið upp úr á árinu sem er að líða nefnir Örvar miðnæturopnanir á vegum ÍXS og BT, þar sem nýir leikir fóru í sölu á miðnætti kvöldið fyrir útgáfudaginn. „Við vorum með tvær þannig, eina þegar Halo 3 kom út og svo aðra þegar Mass Effect, Guitar Hero III og fleiri leikir komu út sama daginn. Mætingin hefur verið framar vonum, það komu rúmlega tvö hundruð manns á Halo 3 opnunina." Að lokum vill Örvar koma á framfæri þökkum til allra íslenskra Xbox spilara. „Það er kannski það besta við þetta allt saman. Ég hef aldrei áður eignast svona marga nýja og góða vini, sem ég á í persónulegum samskiptum við dagsdaglega, og í gegnum Xbox Live!" Leikjavísir Mest lesið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Sopranos-stjarna látin Bíó og sjónvarp Myndaveisla: Vestri fékk konunglegar móttökur á Ísafirði Lífið Sonur Rögnu og Árna kominn með nafn Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Fleiri fréttir Mafia: The Old Country - Fínasta afþreying, þó þunn sé Echoes of the End: Íslensk frumraun undir góðum áhrifum stríðsguðsins Sjá meira
„Við erum aðallega að vinna í því að fá Xbox Live! til landsins, en síðan erum við með ýmislegt fleira planað fyrir næsta ár," segir Örvar G. Friðriksson, umsjónarmaður xbox360.is, vefsíðu íslenska Xbox samfélagsins. „Við ætlum til dæmis að gera vefinn notendavænni og standa fyrir stefnumótum á Xbox Live! þar sem íslenskir spilarar hittast á netinu á ákveðnum tímum til að spila saman." ÍXS, eða íslenska Xbox samfélagið, varð til þegar Örvar fór að halda úti lista yfir Íslendinga sem áttu Xbox 360 leikjatölvur. Vegna þess að netþjónustan fyrir Xbox 360 leikjatölvuna, sem heitir Xbox Live!, er ekki formlega í boði á Íslandi þurfa þeir Íslendingar sem vilja spila leiki yfir netið að skrá sig með heimili í Bretlandi eða öðru landi. Fyrir vikið getur verið erfitt að finna aðra Íslendinga til að spila við, en þar kemur listi Örvars til sögunnar. Með honum hafa íslenskir Xbox spilarar fundið aðra Íslendinga, bætt þeim á vinalistann sinn og spilað leiki við þá yfir netið. Þó væri best ef þjónustan stæði Íslendingum formlega til boða og hefur Örvar barist fyrir því í samstarfi við Tölvuvirkni, Netsamskipti og Microsoft á Íslandi. Aðspurður hvað hafi staðið upp úr á árinu sem er að líða nefnir Örvar miðnæturopnanir á vegum ÍXS og BT, þar sem nýir leikir fóru í sölu á miðnætti kvöldið fyrir útgáfudaginn. „Við vorum með tvær þannig, eina þegar Halo 3 kom út og svo aðra þegar Mass Effect, Guitar Hero III og fleiri leikir komu út sama daginn. Mætingin hefur verið framar vonum, það komu rúmlega tvö hundruð manns á Halo 3 opnunina." Að lokum vill Örvar koma á framfæri þökkum til allra íslenskra Xbox spilara. „Það er kannski það besta við þetta allt saman. Ég hef aldrei áður eignast svona marga nýja og góða vini, sem ég á í persónulegum samskiptum við dagsdaglega, og í gegnum Xbox Live!"
Leikjavísir Mest lesið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Skúli hannaði hof fyrir Grímu Lífið Kom með blóðugar tær í mark eftir heilt maraþon berfættur Lífið Tóku hlé í miðju hlaupi til að halda tónleika Lífið Sopranos-stjarna látin Bíó og sjónvarp Myndaveisla: Vestri fékk konunglegar móttökur á Ísafirði Lífið Sonur Rögnu og Árna kominn með nafn Lífið Fann nýjan tilgang í kjölfar lömunar í kraftlyftingum Lífið Eyðir afmælisdegi dótturinnar í fasteignadeilur Lífið Fleiri fréttir Mafia: The Old Country - Fínasta afþreying, þó þunn sé Echoes of the End: Íslensk frumraun undir góðum áhrifum stríðsguðsins Sjá meira