Annari umferð Iceland Express deildar karla í körfubolta lýkur í kvöld með tveimur leikjum. Fjölnir tekur á móti Stjörnunni í Grafarvogi og Keflvíkingar eiga fyrir höndum erfiða ferð í Stykkishólm þar sem liðið mætir Snæfelli.
Snæfelli var spáð gott gengi í deildinni í vetur en liðið tapaði nokkuð illa fyrir Njarðvíkingum í fyrsta leik sínum í deildinni. Keflvíkingar unnu hinsvegar mjög sannfærandi sigur á grönnum sínum í Grindavík og því er ljóst að hart verður barist í Hólminum í kvöld.
Viðureignin í Grafarvogi er ekki síður áhugaverð, en þar eru nýliðar Stjörnunnar í eldlínunni. Stjarnan vann fyrsta leik sinn í úrvalsdeildinni á dögunum með því að skella Skallagrími nokkuð óvænt á heimavelli, en Fjölnismenn steinlágu á sama tíma fyrir KR.
Vísir mun fylgjast með gangi mála í IE deildinni í kvöld, en þá fara einnig fram fjórir leikir í 1. deildinni og þá má sjá hér fyrir neðan.
18:30 Höttur - Reynir Sandgerði
19:15 Breiðablik - Haukar
20:00 Ármann/Þróttur - KFÍ
20:00 Valur - Þór Þorlákshöfn
