Gengi bréfa í Kaupþingi rauk upp um rúm þrjú prósent við upphaf viðskiptadagsins í Kauphöllinni í dag og leiðir bankinn hækkun Úrvalsvísitölunnar. Á eftir fylgja Exista, sem hefur hækkað um rúm 2,3 prósent, og fleiri bankar og fjárfestingafélög. Einungis gengi bréfa í FL Group hefur haldið áfram að lækka.
Gengi bréfa í félaginu hefur lækkað um 0,33 prósent það sem af er dagsins og stendur það í 15,3 krónum á hlut.
Úrvalsvísitalan hefur hækkað um 1,96 prósent og stendur hún í 6.533 stigum.
