Í sömu deild og Stones

Noel Gallagher, gítarleikari Oasis, segir að hljómsveitin sé í sama klassa og goðsagnirnar í The Rolling Stones. „Allir vita hverjir við erum. Við erum pottþétt komnir í sömu deild og Stones núna," sagði Gallagher. „Allir hafa heyrt um Stones, allir vita hvernig þeir hljóma og allir vita hvað þeir gera."

Hann hrósaði jafnframt rokkaranum Ryan Adams sem hitar upp fyrir Oasis á tónleikaferð sveitarinnar um Bandaríkin. „Ég ber mikla virðingu fyrir honum. Hann er frábær gítarleikari. Hann er frekar sérvitur en ég væri ekki á tónleikaferð með honum ef mér líkaði ekki við hann."