Sutil slæst við stórlaxanna í rásmarkinu

Þjóðverjinn Adrian Sutil á Force India náði sínum besta árangri í tímatökum í gær á Formúlu 1 brautinni í Monza á Ítalíu. Sutil keppir við Lewis Hamilton og Kimi Raikkönen um að komast fyrstur að fyrstu beygjum en Sutil er í öðru sæti á ráslínu en Hamilton fyrstur.

Fyrir aftan eru Raikkönen og Heikki Kovalainen sem allir eru með KERS búnað, sem færir þeim 80 auka hefstöfl í 7 sekúndur í ræsingu. Sutil hefur ekki þennan búnað, en á móti hefur hann bíl sem hefur mikinn hámarkshraða á beinu köflunum Monza brautarinnar.

"Öll mótshelgin hefur verið mikil og góð upplifun og ég hef notið hverrar stundar. Ég er mjög glaður að ræsa af stað við hliðina á Hamilton og með Raikkönen fyrir aftan. Þetta er stór stund á mínum ferli", sagði Sutil.

Félagi hans Viantonio Liuzzi náði sjöunda besta tíma, en hann tók við sæti Giancarlo Fisichella sem færði sig yfir til Ferrari eftir síðustu keppni. Þar náði Fisichella öðru sæti, sem var besti árangur Force India frá upphafi.

Rigningu er spáð á Monza brautinni í dag, en bein útsending hefst kl. 11:30 á Stöð 2 Sport. Sjá brautarlýsingu frá Monza.

Ferilll Adiran Sutil