Nýmæli í Formúlu 1 útsendingum

Útsendingar Stöðvar 2 Sport verða með nýju sniði á þessu ári og útsendari stöðvarinnar er í Englandi að vinna að undirbúningi með ýmsum fræðingum sem koma munu að málum í ár.

Tímataka og kappakstur verða í opinni dagskrá, en strax á eftir kappakstrinum verður sérstakur hálftíma þáttur þar sem farið verður yfir allt það helsta sem gerðist í mótinu og það krufið til mergjar. Sá þáttur verður í lokaðri dagskrá eftir stutt auglýsingahlé.

Sem fyrr verður hálftíma upphitun á undan kappakstrinum þar sem sýnt verður frá viðburðum helgarinnar, en einnig verður land og þjóð kynnt meira til sögunnar en áður. Í beinni útsendingu verður verður flæði tölfræði upplýsinga aukið og það sama verður upp á teningnum í þættinum eftir beina útsendingu.

Í þættinum munu sérfræðingar fara yfir ganga mála í mótinu og birta myndskeið af öllu því helsta sem kom upp. Þá verður farið ítarlega yfir tölfræði úr mótinu með tilheyrandi útskýringum.

Á fimmtudegi fyrir útsendingu verður þáttur á mannlegu nótunum, þar sem fjallað verður um ökumenn og lið, auk þess sem gestir munu reyna með sér í ökuhermi og er ætlunum að fólk í þekktari kantinum muni reyna með sér á brautum þeirra landa sem fjallað er um hverju sinni.

Fyrsta útsendingin frá Formúlu 1 verður síðustu helgina í mars, en áður verður sýndur þáttur með viðtölum við ökumenn keppnisliða og sýnt frá frumsýningum keppnisliða. Tvö lið eiga enn eftir að frumsýna bíla sína, það Torro Rosso og Force India.

Sjá dagskrá útsendinga