Skíðabrekka nefnd í höfuð Schumachers

Ferrari Formúlu 1 liðið dvaldi í skíðapardísinni í Madonna di Campiglio á Ítalíu í gær á árlegri uppákomu til að efla andann. Meðal gesta var Michael Schumacher og stjórnendur skíðasvæðisins ákváðu að nefna brunbrekku í höfuðið á kappanum.

Schumacher nýtur mikllar virðingar á Ítlaíu eftir dvöl hans með Ferrari, en hann er sjöfaldur meistari í Fromúlu 1. Það er met sem verður seint slegið. Hann er líka vel liðtækur skíðamaður og hefur eytt ófáum jólum á skíðum í Noregi með fjölskyldu sinni og vinum.

Felipe Massa og Kimi Raikkönen voru líka á staðnum og tekist var á á skíðum, kartbílum og snjóbrettum. Stefano Domencali, framkvæmdarstjóri Ferrari gat þess að Raikkönen hefði tekið sig á varðandi líkamsrækt í vetur og stefndi á að sanna getu sína undir stýri.

"Raikkönen vill sýna fyrri styrk eftir að forseti Ferrari sagði að bróðir hans hefði verið undir stýri í fyrra", sagði Domenicali, en Ferrari menn voru ekki alveg sáttir við framgang Finnans á árinu.

Sjá nánar um Ferrari