Kylfingurinn Birgir Leifur Hafþórsson frá Akranesi fór vel af stað á Estoril-mótinu sem fram fer í Portúgal. Mótið er liður í Evrópumótaröðinni.
Birgir Leifur kom í hús á 69 höggum fyrsta daginn eða á tveimur höggum undir pari. Hann er fimm höggum á eftir Englendingnum Ross McGowan sem leiðir eftir fyrsta hringinn.
Birgir Leifur hefur verið að keppa mikið síðustu vikur, staðið sig vel og fengið nokkrar evrur í kassann.
