Vettel ógnar Button og Barrichello með besta tíma

Þjóðverjinn Sebastian Vettel á Red Bull ætlar ekki að lláta sitt eftir liggja í titilbaráttunni við Jenson Button og Rubens Barrichello hjá Brawn. Vettel náði besta tíma á seinni æfingu keppnisliða í Singapúr í fyrra, en Fernando Alonso á Renault varð annar.

Vettel er 26 stigum á eftir Button í stigakeppni ökumanna þegar fjögur mót eru eftir og 40 stig í pottinum fyrir sigur. Fjórir ökumenn eiga möguleika á titlinum, en Button er með 14 stiga forskot á Barrichello. Mark Webber er fjórði ökumaðurinn sem á mögleika á titlinum, en þeir eru þó hverfandi eftir dræmt gengi hans í síðustu mótum.

Webber klessti bíl sinn á seinni æfingunni í dag, en náði samt besta tíma ökumanna. Ekið var í flóðljósum alla æfinguna, eins og gert verður í keppninni.

Ítarlega verður fjallað um æfingar dagsins í samantekt á Stöð 2 Sport kl. 22:00 í kvöld.

Sjá brautarlýsingu frá Singapúr