FIA sendir Formúlu liðum tóninn

Max Mosley, forseti FIA hefur sent núverandi Formúlu 1 liðum tóninn m eð því að segja að þau geti stofnað eigin mótaröð ef þau eru ósátt við reglur sem keppa á eftir árið 2010.

FOTA samtök keppnisliða sótti sameiginlega um þátttökurétt 2010 og voru 9 lið upptalinn, en ekki Williams. Williams hefur sótt um að keppa eftir reglum sem FIA vill nota á næsta ári.

Þá hafa 10 nýir aðilar sóttu um þátttökurétt og FIA mun ákvarða 14. júní hvaða lið verða inn í myndinni. Samkvæmt reglum komast aðeins 13 lið að eða 26 ökumenn.

Núverandi keppnislið vilja ráða meira hvaða reglur eru notaðar á næsta ári og telja ekki unnt að minnka rekstrarkostnað um 70-80% á milli ára, auk þess sem þau vilja ekki keppa með tvær útgáfur af reglum, eins og FIA leggur til. FIA vill skapa grundvöll fyrir ný keppnislið með lægri rekstrarkostnaði.

Fjallað verður um málið í þættinum Rásmarkið á Stöð 2 Sport í kvöld kl. 20.00.