Kristín Clausen á leið í frí frá handbolta?

Kristín Jóhanna Clausen, fyrirliði Íslands- og bikarmeistara Stjörnunnar, íhugar að taka sér frí í eitt ár frá handboltanum. Frá þessu greinir vefsíðan sport.is.

„Ég er ekki búin að taka endanlega ákvörðun, en eins og staðan er í dag er ég á leiðinni í frí", sagði Kristín í samtali við vefsíðuna. „Ég er búin að vera í boltanum ansi lengi og mig langar svolítið til að gera aðra hluti, svona til tilbreytingar."

„Ég mæti á æfingar í næstu viku og sé hvort það kviknar einhver neisti," sagði Kristín en hún segir það ekki í myndinni að spila fyrir annað lið en Stjörnuna.