Framsókn íhugar að opinbera bókhald

„Það er verið að fara yfir þessi mál," segir framkvæmdarstjóri Framsóknaflokksins, Sigfús Ingi Sigfússon, spurður hvort flokkurinn hyggist opna bókhald flokksins aftur í tímann líkt og Sjálfstæðisflokkurinn hefur boðað að hann muni gera.

Engin ákvörðun hefur verið tekin um málið, heldur er framkvæmdarstjórinn að reyna að koma fólki saman til þess að ræða þessi mál innan Framsóknaflokksins. Það geti þó reynst flókið þessa miklu ferðahelgi og því bjóst hann frekar við því að niðurstaða fengist í málið eftir helgi.

Ekki náðist í Sigrúnu Jónsdóttur, framkvæmdarstjóra Samfylkingarinnar þrátt fyrir ítrekaðar tilraunir.