Ogilvy fagnaði sigri í holukeppninni

Ástralilnn Geoff Ogilvy fagnaði í gærkvöldi sigri á heimsmótinu í holukeppni sem fór fram í Tucson í Arizona.

Hann atti kappi við Englendinginn Paul Casey í úrslitaviðureigninni og vann nokkuð öruggan sigur, 4&3.

Ogilvy bar sigur úr býtum á þessu móti árið 2006 og varð í öðru sæti árið 2007. Stewart Cink vann sigur á Ross Fisher frá Englandi í leiknum um þriðja sætið.

Ogilvy tók forystuna strax á fyrstu holu gegn Casey og lét hana aldrei af hendi eftir það.