Í meðfylgjandi myndskeiði má sjá Friðriku Geirsdóttur sem eldaði sushi fyrir áhorfendur Stöðvar 2 í sjónvarpsþættinum Ísland í dag.
Aðferð: Skolið hrísgrjónin upp úr köldu vatni og sigtið vatnið vel frá. Setjið hrísgrjónin í pott ásamt 400 ml af vatni og hitið að suðu. Lækkið hitann og látið malla við vægan hita í 10 mínútur. Takið pottinn af hellunni og látið standa í 10 mínútur, bætið þá hrísgrjónaediki og sykri út í. Látið hrísgrjónin kólna við stofuhita.
Klippið Nori blöðin í hentugar stærðið og raðið á diska. Mótið hrísgrjónin með höndunu í litlar kúlur, best er að bleyta hendurnar upp úr köldu vatni svo að grjónin festist síður við þær, og setjið á Nori blöðin.
Raðið agúrkustrimlunum á helminginn af hrísgrjónakúlunum. Skerið laxinn í þunnar sneiðið og leggið ofan á agúrkuna.
Raðið avókadóstrimlunum á afganginn af hrísgrjónakúlunum.
Léttþeytið eggin og setjið brauðmylsnuna í skál. Veltið rækjunum upp úr eggjunum og síðan brauðmylsnunni og djúpsteikjið í 2-3 mínútur eða þar til þær verða gullinbrúnar á lit. Raðið rækjunum ofan á avókadóið.
Berið fram með japanskri sojasósu, sushi engiferi og wasabi.
Uppskrift fyrir 4:
250 g Blue Dragon sushi hrísgrjón
400 ml vatn
2 msk Blue Dragon hrísgrjónaedik
1 msk sykur
3 Blue Dragon Nori blöð
1 agúrka, skorin í strimla
400 g lax, glænýr, roðfléttur og beinlaus
1 avókadó, afhýddur, kjarnhreinsaður og skorinn í strimla
10 stk risarækjur
2 Stjörnuegg
1 dl Blue Dragon Panko brauðmylsna
Isio olía til djúpsteikingar
Borið fram með:
Blue Dragon japanskri soja sósu
Blue Dragon sushi engifer
Blue Dragon Wasabi
Léttir réttir Rikku eru á dagskrá Ísland í dag alla miðvikudaga strax að loknum kvöldfréttum.
FH
Stjarnan
