Lækkun á Asíumörkuðum

Hlutabréf á asískum mörkuðum lækkuðu í verði í morgun og lækkuðu bréf banka og hátæknifyrirtækja mest. Lækkunin kemur í kjölfar neikvæðra afkomuspáa margra stórfyrirtækja, til dæmis Toshiba og tölvuleikjaframleiðandans Nintendo en bréf þessara fyrirtækja lækkuðu um meira en 12 prósent.

Eins lækkuðu bréf Mitsubishi-bankans um 5,5 prósent eftir að opinberar skýrslur gerðu ljóst að landið væri á leið inn í sína dýpstu efnahagslægð síðan í seinni heimsstyrjöldinni.