Fimm aðilar hafa verið úrskurðaðir í áframhaldandi gæsluvarðhald í tengslum við rannsókn lögreglunnar á höfuðborgarsvæðinu á umfangsmiklu fjársvikamáli.
Meðal annars var Steingrímur Þór Ólafsson handtekinn í Suður-Ameríku og stefnt er að því að fá hann framseldan hingað til lands.
Lögð var fram krafa um áframhaldandi gæsluvarðhald til 8. október yfir hinum sakborningunum og á hana var fallist í héraðsdómi síðdegis.
Einn til viðbótar situr í gæsluvarðhaldi vegna rannsóknarinnar en um verulega fjármuni er að ræða í þessu fjársvikamáli eða tæplega 300 milljónir. Þá fundust 11 kíló af fíkniefnum hjá einum sakborningnum.
