Tæplega fjörutíu prósent heimila landsins, eða 39 prósent, áttu erfitt með að láta enda ná saman á síðasta ári. Þetta kemur fram í lífskjararannsókn Hagstofunnar.
Samkvæmt niðurstöðum rannsóknarinnar höfðu 7,1 prósent heimila lent í vanskilum með húsnæðislán eða greiðslu leigu á síðastliðnum tólf mánuðum. Á sama tíma höfðu 10,3 prósent heimila lent í vanskilum með önnur lán.
Einstæðir foreldrar voru í meirihluta þeirra sem voru í greiðsluerfiðleikum. - jab
