Neistarnir flugu við tökur Wall Street

Leikstjórinn Oliver Stone segir það sér að þakka að leikkonan Carey Mulligan og leikarinn Shia LaBeouf hafi byrjað saman, en þau kynntust við tökur á kvikmyndinni Wall Street: Money Never Sleeps.

„Maður sá neistann á milli þeirra strax. Þau voru mjög fagmannleg á tökustað, en það var ekki um að villast að þau voru afskaplega hrifin af hvort öðru. Ég var mjög ánægður þegar ég áttaði mig á því að þau voru orðin par, það gerði ástarsenurnar á milli þeirra aðeins enn betri. Það var augljóst að þau þurftu ekki að kafa djúpt til að finna neistann," sagði leikstjórinn um hið unga par.