Berjast sín á milli

Samkvæmt slúðurritum hið vestra ríkir mikil samkeppni milli Kardashian-systranna þriggja og hefur það verið svo alveg frá því þær voru börn.

„Þær eru alltaf að gagnrýna hver aðra og Kourtney gerir látlaust grín að vexti Kim," var haft eftir innanbúðarmanni sem bætir við að Kim og Kourtney hafi keppt um athygli karlmanna alveg frá því þær voru táningar en nú keppa þær einnig um frægð og frama.

+„Kim var alltaf fræga systirin en Kourtney hefur fengið aukna athygli eftir barnsburðinn og vegna erfiðs sambands. Kim vill ekki missa stöðu sína sem frægasta systirin og vinnur nú hörðum höndum að því að athyglin haldist fyrst og fremst á henni," sagði heimildarmaðurinn.