Yamamoto sjokkeraður að fá sæti Senna

Engar skýringar hafa verið gefnar á því afhverju Japaninn Sakan Yamamoto ekur Hispania keppnisbílnum í stað Bruno Senna frá Brasilíu. Hann keppir á bílnum í stað Senna á Silverstone um helgina. Senna og Karun Chanduk hafa verið ökumenn Hispania en liðið tilkynnti um Yamamoto, sem ekur þó aðeins í einu móti að sögn talsmanna liðsins. "Ég veit ekki hvað gerist eftir Silverstone, þannig að ég einbeiti mér að þessu móti. En ég er alltaf klár í slaginn, en ég frétti af þessu síðdegis í gær", sagði Yamamoto í frétt á autosport.com. "Ég varð verulega hissa. Undir eðlilegum kringumstæðum er maður ánægður að fá að keyra, en þetta kom of mikið á óvart. Var sjokkerandi. Ég þurfti að aðlagast hratt og safna upplýsingum um hegðun bílsins. Þetta var ekki létt verkefni." Yamamoto sagði hann lítið hafa rætt við Bruno. "Við höfum heilsast, en ég skil hvernig honum líður og vill tala við hann síðar þegar málin hafa róast. Það er erfitt að ræða málin í augnablikinu. Þetta eru sérkennilegar aðstæður, en okkur hefur alltaf samið vel. Ég veit ekki hvað hann hugsar um þetta", sagði Yamamoto.