Kjólarnir á Emmy

Emmy-verðlaunin voru afhent í 62. sinn um helgina og skörtuðu stjörnurnar sínu fegursta er þær gengu eftir rauða dreglinum.

Mikið er spáð og spekúlerað í kjóla leikvenna í kringum Emmy-verðlaunahátíðina, líkt og í kringum Óskarsverðlaunahátíðina. Stjörnurnar skarta sínu fegursta er þær ganga eftir dreglinum en með misjöfnum árangri þó. Leikkonan Claire Danes þótti með þeim best klæddu í ár en leikkonurnar January Jones og Rita Wilson þóttu með þeim verst klæddu.

Christina Hendricks úr þáttunum Mad Men þótti taka sig vel út í þessum fjólubláa kjól frá hönnuðinum Zac Posen.

Gamanleikkonan Julia Louis-Dreyfus klæddist fallegum og látlausum kjól frá uppáhaldshönnuði sínum, Narciso Rodriguez.

Naya Rivera úr Glee klæddist kjól sem minnir einna helst á sparikjól frá níunda áratugnum.

Leikkonan Rita Wilson klæddist þessum formlausa netkjól. Skórnir vöktu sérstaka athygli og þykja með eindæmum ósmekklegir.

Kjóll leikkonunnar Claire Danes þótti með þeim fallegri í ár.