Upp og niður hjá Birgi

Kylfingurinn Birgir Leifur Hafþórsson hóf leik á sínu fyrsta móti á Evrópumótaröðinni í heilt ár í dag. Íslandsmeistarinn er að taka þátt í móti sem fram fer í Austurríki.

Birgir Leifur fór mjög illa af stað í dag og fékk skolla á fyrstu tveim holunum. Hann nældi í fugl á fjórðu en fékk tvöfaldan skolla á fimmtu og aftur skolla á áttundu.

Á níundu holu fór Birgir loks í gang en hann setti þá niður þrjá fugla í röð.

Hann fékk annan fugl á fimmtándu og var skollalaus á seinni níu holunum.

Hann kom að lokum í hús á 73 höggum eða einu höggi yfir pari. Hann var þá jafn mörgum öðrum í 69. sæti. Hann er þess utan átta höggum á eftir efsta manni.