Tiger Woods er með fjögurra högga forskot fyrir lokadaginn

Tiger Woods heldur sínu striki á Chevron meistaramótinu í golfi og er hann með fjögurra högga forskot á Graeme McDowell frá Norður-Írlandi fyrir lokadaginn.

Woods hefur ekki sigrað á golfmót á þessu ári en hann það hefur ekki gerst frá árinu 2001 að hann fer í gegnum heilt keppnisár án þess að landa sigri. Woods er á 17 höggum undir pari vallar en McDowell er á 13 höggum undir pari.

„Ég hlakka til að hefja leik á morgun og ég finn að ég get haldið áfram að leika vel," sagði Woods í gær en hann er í öðru sæti heimslistans á eftir Englendingnum Lee Westwood.

Englendingurinn Paul Casey er þriðji á 9 höggum undir pari en hann fór holu í höggi á öðrum keppnisdegi en þar sló hann boltann ofaní holuna af teig með 7-járni.

Rpry McIlroy frá Norður-Írlandi gerði stór mistök á 18. braut þar sem hann lék á 7 höggum eða þremur höggum yfir par. Síðasta braut vallarins hefur farið illa með McIlroy en sem lék hana á 6 höggum á öðrum keppnisdegi mótsins. Hann er í 4.-7. sæti á 7 höggum undir pari.

Staðan fyrir lokadaginn:

Tiger Woods -17

Graeme McDowell -13

Paul Casey -9

Rory McIlroy -7

Sean O'Hair -7

Hunter Mahan -7

Luke Donald -7

Ian Poulter -6

Nick Watney -6

Zach Johnson -4

Stewart Cink -4

Jim Furyk par

Steve Stricker+ 2

Anthony Kim + 3

Bubba Watson + 3

Matt Kuchar+ 4

Dustin Johnson + 5

Camilo Villegas + 5

Mótið er ávallt haldið á Sherwood vellinum í Kaliforníu en völlurinn er hannaður af Jack Nicklaus. Fyrsta móti fór fram árið 1999 og var haldið á Grayhawk vellinum í Arizona og þar léku aðeins 16 kylfingar. Til samanburðar má nefna að á venjulegu PGA móti eru yfirleitt 150 kylfingar sem taka þátt.

Eins og áður segir er Tiger Woods aðalhvatamaðurinn að þessu móti og hefur honum tekist bærilega að fá bestu kylfinga heims til þess að taka þátt. Verðlaunaféð er í sérflokki en gestgjafinn hefur gefið styrktarstjóði sínum allt verðlaunaféð sem hann hefur unnið á þessu móti frá upphafi.

Sigurvegurum stórmótana fjögurra er ávallt boðið ásamt stigahæstu kylfingum heimslistans. Þar að auki býður styrktarsjóður Woods fjórum kylfingum á mótið.

Frá árinu 2009 hefur mótið verið formlegur hluti af stigakerfi heimslistans en mótið sjálft telst ekki vera hluti af bandarísku PGA mótaröðinni.