Golf Channel komin á Fjölvarpið

Stöð 2 Fjölvarp hefur tryggt sér sýningarréttinn á Golf Channel frá og með deginum í dag. Golf Channel er ein virtasta golfstöð heims og hentar kylfingum á öllum aldri, hvort sem um er að ræða byrjendur eða lengra komna kylfinga.

Hinn almenni kylfingur getur nýtt sér efni stöðvarinnar á margvíslegan hátt en ýmsan fróðleik má finna á stöðinni. Farið er í golfkennslu og grunnatriðin skoðuð auk lífsstílsins.

Þar er fjallað ítarlega um LPGA-mótaröðina sem er mótaröð kvenna en Golf Channel skipar sér í fremstu röð í umfjöllun um kvennagolfið. Þá verða golfvellirnir skoðaðir og fylgst með golfmótunum. Þetta er aðeins brot af því sem má finna á Golf Channel.

Þar eru sýndir áhugaverðir skemmtiþættir sem tengjast golfinu eins og „Being John Daly" þar sem fylgst er með John Daly sem var einn besti kylfingur heims. Þá má nefna þáttinn „The Haney project" þar sem Hank Haney, þjálfari Tigers Woods og einn virtasti golfkennari heims, fær það krefjandi verkefni að kenna gamanleikaranum Ray Romano golf frá grunni.

Golf channel er að finna í stóra- og skemmtipakkanum á Stöð 2 Fjölvarp á rás 49 á Vodafone Digital Ísland. Áskrifendur eru minntir að uppfæra myndlykilinn með sjálfvirkri leit.