Ferrari fremst á ráslínu á heimavelli

Fernando Alonso á Ferrari náði besta tíma í tímatökum á Monza brautinni á Ítalíu í dag og varð á undan Jenson Button á McLaren. Felipe Massa varð þriðji á Ferrari og ítalska liðið er því í góðri stöðu fyrir kappaksturinn á morgun.

Alonso og Button eru í titilslagnum við Alonso, og fyrir aftan þá þrjá fremstu á ráslínu eru Mark Webber, Lewis Hamilton og Sebastian Vettel. Hamilton og Webber eru í tveimur efstu sætum stigamótsins. Hamilton er með 182 stig, Webber 179, Vettel 151, Button 147 og Alonso 141.

Alonso og Button eru í góðri stöðu til að sækja á í stigaslagnum , miðað við stöðuna á ráslínu og spurning hvernig Massa gengur, en hann á ekki möguleika á titlinum, en gæti haft áhrif á gang mála í stigaslagnum og varist atlögu þeirra sem eru fyrir aftan. Þannig óbeint liðsinnt Alonso og Button í stigaslagnum.

Bein útsending er frá kappakstrinum á Monza brautinni kl. 11.30 á Stöð 2 Sport á sunnudag.