Ný kjólalína frá Ásdísi Rán

„MidnightQueen kjólarnir eru hugmynd sem mig hefur alltaf langað að framkvæma og ákvað að skella mér út í þetta í framhaldi af Icequeen meikup kittunum sem urðu svo vinsæl. Konseptið mitt er mjög glamorus en mér hefur alltaf fundist vanta svona þokkafulla kjóla á Íslandi þar sem það er hefðbundnari tíska í gangi. Glamúrinn er að koma heitur inn á klakanum núna þannig að þetta hentar bara vel inn hugsa ég. Ég er að vinna núna að undirfata- og bikiní línu, skó-collection og fleiru spennandi," segir Ásdís spurð út í nýju kjólana hennar.

Hvar fást kjólarnir? „Ég er með um tíu búðir hér í Búlgaríu sem byrja að selja kjólana mína núna í vikunni og svo Hagkaupsbúðirnar á Íslandi og nýju beauty kittin verða komin á markað í lok júní og ég er með nokkrar verslunarkeðjur fyrir þau bæði í Búlgaríu og á Íslandi," svarar Ásdís.

„Það eru allir mjög jákvæðir og opnir fyrir þessu Icequeen konsepti og vonandi næ ég að teygja þetta til fleiri landa í framtíðinni. Mig vantar núna góðan fjárfesta inn til að geta startað almennilegri útrás og innrás," segir Ásdís.

Hvað er að frétta af þér og fjölskyldunni? „Ég er í Búlgaríu núna í vinnuferð fram í miðjan mánuðinn en þá fer ég til Þýskalands og þarf enn og aftur að pakka búslóðinni þar sem samningnum hans Garðars líkur í lok maí. "

„Eftir það förum við í stutta heimsókn til Íslands þar sem elsti drengurinn minn verður fermdur og svo förum við með öll börnin til Búlgaríu aftur þar sem ég ætla að eyða sumrinu við Svarta hafið og vinna í leiðinni en myndaþátturinn minn í þýska Playboy verður birtur í lok júlí, byrjun ágúst. Þetta eru sex til tíu síður og þeir eru mjög áhugasamir um Ísland," segir Ásdís.

Ásdís ætlar að gefa kjól á FacebooksíðuIcequeen:

„Eina sem þarf er að skrifa kveðju inn á facebook Icequeen síðuna og ég vel svo einhverja heppna skvísu," útskýrir Ásdís áður en kvatt er.