Alonso fljótastur í Tyrklandi, en meistarin Vettel ók útaf brautinni

Rigning var á fyrstu æfingu Formúlu 1 liða á Istanbúl Park brautinni í Tyrklandi í morgun, þegar undirbúningur keppenda fyrir fjórða Formúlu 1 mót ársins hófst fyrir alvöru. Fernando Alonso á Ferrari náði besta tíma við erfiðar aðstæður, en Nico Rosberg á Mercedes varð annar 1.402 sekúndu á eftir Vettel og liðsfélagi Rosbergs, Michael Schumacher þriðji 1.462 á eftir Vettel.

Sebastian Vettel sem er í forystu í stigamóti ökumanna gerði mistök í rigningunni og snerist útaf brautinni í beygju átta, sem er vandasamasta beygja brautarinnar að mati margra ökumanna.

Red Bull bíll hans skall á varnargirðingu og bíll var fluttur verulega laskaður á þjónustusvæðið. Hann tapaði þannig af dýrmætum æfingatíma á seinni hluta æfingarinnar, en ökumenn fá 90 mínútur til að spreyta sig á brautinni á fyrstu æfingunni á föstudögum, rétt eins og þeirra síðari sem er kl.

En Vettel var ekki sá einu sem skautaði á hálli brautinni, því fjöldi ökumanna var í vandræðum með að hemja ökutæki sín, en keppendur voru að reyna Pirelli regndekkin sem notuð eru þegar brautir eru blautar og hafa lítið getað prófað þau á tímabilinu.

Lewis Hamilton sem vann mótið í Tyrklandi í fyrra lenti í vandræðum í lokin þegar hann ætlaði inn á brautina. Bíllinn bilaði eitthvað á þjónustusvæðinu, þegar hann ætlaði inn á brautina.

 

McLaren liðið sendi bíla sína ekki inn á brautina til að keyra í kapp við klukkuna fyrr en í lok æfingarinnar. Jenson Button hjá McLaren ók aðeins fjóra hringi í heildina í dag og McLaren bílarnir voru neðstir á blaði á tímalistanum.

 

Sýnd verður samantekt frá æfingum Formúlu 1 liðanna í dag á Stöð 2 Sport kl. 21:00 í kvöld.

Tímarnir frá autosport.com

 1.  Fernando Alonso       Ferrari                1m38.670s            13

 2.  Nico Rosberg          Mercedes               1m40.072s  + 1.402   14

 3.  Michael Schumacher    Mercedes               1m40.132s  + 1.462   18

 4.  Nick Heidfeld         Renault                1m40.338s  + 1.668    9

 5.  Vitaly Petrov         Renault                1m40.401s  + 1.731   10

 6.  Kamui Kobayashi       Sauber-Ferrari         1m40.421s  + 1.751   16

 7.  Felipe Massa          Ferrari                1m40.697s  + 2.027   14

 8.  Daniel Ricciardo      Toro Rosso-Ferrari     1m41.094s  + 2.424   18

 9.  Sebastien Buemi       Toro Rosso-Ferrari     1m41.178s  + 2.508   22

10.  Nico Hulkenberg       Force India-Mercedes   1m41.347s  + 2.677   16

11.  Mark Webber           Red Bull-Renault       1m42.564s  + 3.894    5

12.  Pastor Maldonado      Williams-Cosworth      1m42.597s  + 3.927    7

13.  Paul di Resta         Force India-Mercedes   1m43.525s  + 4.855   11

14.  Rubens Barrichello    Williams-Cosworth      1m43.913s  + 5.243    5

15.  Karun Chandhok        Lotus-Renault          1m43.986s  + 5.316    6

16.  Tonio Liuzzi          HRT-Cosworth           1m44.787s  + 6.117   20

17.  Sebastian Vettel      Red Bull-Renault       1m44.954s  + 6.284    4

18.  Timo Glock            Virgin-Cosworth        1m45.183s  + 6.513   15

19.  Jerome D'Ambrosio     Virgin-Cosworth        1m45.237s  + 6.567   11

20.  Narain Karthikeyan    HRT-Cosworth           1m48.461s  + 9.791    8

21.  Jarno Trulli          Lotus-Renault          1m51.676s  + 13.006   6

22.  Sergio Perez          Sauber-Ferrari         1m55.791s  + 17.121  13

23.  Jenson Button         McLaren-Mercedes       2m00.666s  + 21.996   4

24.  Lewis Hamilton        McLaren-Mercedes       no time               1