Topp 10 listinn yfir aflahæstu árnar

Þá eru komnar nýjar tölur frá Landsambandi veiðifélaga og Norðurá heldur sínu fyrsta sæti.  Þess ber að geta fyrir þá sem eru að rýna í tölurnar í fyrsta skipti að það er ekki endilega heildartalan sem skiptir máli heldur hversu margir laxar það eru sem koma á stöngina.

Getum sem dæmi um þetta tekið Norðurá með sína 1450 laxa, en þar er veitt á 14 stangir sem gerir 103 laxa á stöngina á tímabilinu.  En Elliðaárnar með 716 laxa og 6 stangir (eru 4 í byrjun og enda) er með 119 laxa sem er feykilega góð veiði í báðum ánum.

Tölfræðin er ekki alveg jafngóð í mörgum ánum en það er svo mikið eftir af þessu tímabili að staðan á ánum í dag hefur lítið að segja um lokaniðurstöðuna.  Langá sem dæmi á eftir að fá þvílíka sprengju þegar maðkahollin byrja þar í lok ágúst og þanig er það með fleiri ár.  Rangárnar eru fyrst að detta í gírinn núna og í ágúst byrjun eru sum hollin að taka langt yfir 100 laxa á DAG!

Hér fyrir neðan er listinn yfir 10 aflahæstu árnar og hér er tengill fyrir þá sem vilja skoða listann í heild sinni. https://angling.is/is/veiditolur/

Hér í þremur aftari dálkunum sérðu veidda laxa, fjölda stanga í ánni og veiðina í fyrra.

Norðurá	27. 7. 2011	1450	14	2279
Blanda	27. 7. 2011	1190	19	2777
Þverá + Kjarará	27. 7. 2011	1002	14	3760
Selá í Vopnafirði	27. 7. 2011	798	6	2065
Haffjarðará	27. 7. 2011	754	6	1978
Ytri-Rangá & Hólsá, vesturbakki.	27. 7. 2011	721	20	6210
Elliðaárnar.	27. 7. 2011	716	6	1164
Miðfjarðará	27. 7. 2011	704	10	4043
Langá	27. 7. 2011	678	12	2235
Eystri-Rangá	27. 7. 2011	592	18	6280