Nýtt myndband frá Singapore Sling

Hljómsveitin Singapore Sling frumsýnir í kvöld myndband við titillag nýútkominnar plötu sinnar, „Never Forever“.

Myndbandinu var leikstýrt af Þórði Grímssyni og meðal leikkenda eru myndlistarmennirnir Sigtryggur Berg Sigmarsson og Hafsteinn Michael Guðmundsson. Í fréttatilkynningu segir að þema myndbandsins sé „meðal annars blæti, geómetrískar abstraksjónir og fallegar konur“.

Myndbandið er unnið innan vébanda Vebeth sem er hópur listamanna og tónlistarmanna, m.a. Singapore Sling,The GoGo Darkness, Two Step Horror, The Dead Skeletons, DJ Musician, Hank and Tank og bandaríska hljómsveitin The Meek.

Myndbandið verður frumsýnt á Bakkus í kvöld kl  21.00.